Over 500 påmeldte til årets VertsKommunen 2024!

Fleire og fleire destinasjonar over heile landet har tatt grepet med å tenke heilskapleg rundt reisemålsutviklinga, ved å setje det inn i eit samfunnsperspektiv. I dette arbeidet er brei og god forankring viktig, der ein involverer reiseliv, øvrig næringsliv, lokalbefolkning, frivilligheita, kommune, fylkeskommune og organisasjonsliv - gjerne i form av ei destinasjonsleiing/reisemålsleiing. Desse løysingane skal vera skreddarsydde for kvart enkelt reisemål, samtidig som me har mykje å læra på tvers av det nybrotsarbeidet som no skjer på tvers av heile landet, noko som var utgangspunktet for at NDBR med sine 43 destinasjonar sto samla i å arrangere landets første nasjonale konferanse for destinasjonsleiing og heilskapleg utvikling av det lokale reiselivet: VertsKommunen!

Til saman var det omlag 500 påmeldte til konferansen der omlag 300 maskinar ved med seg LIVE-sendinga frå BestEvents sitt studio i Oslo med Erling Løfsnes frå Lindesnes, Moa-Maria Kerro frå Svalbard, Nikoline Halvorsen frå Vestfold og Anita Svendheim som prosjektleiar for NDBR. Her presenterte næringsminister Cecilie Myrseth, Elisabeth Svanholm Meyer, divisjonsdirektør for reiseliv og spesialoppdrag i Innovasjon Norge, og Kristin Krohn Devold, administrerande direktør i NHO Reiseliv, dei overordna nasjonale satsingane for reiselivet i landet, og korleis dette er kopla opp mot det lokale arbeidet på reisemåla. Vidare delte Ingunn Sørnes, spesialrådgjevar i Innovasjon Norge, og destinasjonsleiinga i Valdres sine perspektiv og erfaringar med forankring, organisering og arbeid i destinasjonsleiinga. Like etter presenterte Britt Dalland, seniorrådgjevar i Vestland fylkeskommune, frå deira fellessatsing på besøksforvaltning. Her delte Rauma, Arendal og Svalbard sine perspektiv på god besøksforvaltning gjennom utvalde reels.

Vidare kunne deltakarane fordjupe seg i temabaserte spor innanfor fritidsbustadar , tilgjengeleg reiseliv, transport og mobilitet og cruise. Tusen takk til Hvaler, rekreasjonsklynga, Trysil, Lindesnes, AccessTour, Skien Aktivitetspark, Site 4.0, Norefjell, Svalbard, Hammerfest og Kristiansand som delte sine erfaringar! Samlinga oppsummerte med prinsipp for ansvarleg marknadsføring for reisemålet og lokalsamfunna og ei ti punkts tiltaksliste for korleis ein kjem i gong med å nytte reiselivet som samfunnsutviklar i lokalsamfunna.

Tusen takk til alle som deltok og delte frå sine erfaringar frå heile landet. Me ser fram mot nytt møtepunkt til neste år.